నా మనోభావాలన్నిటికీ మూలమై, నా సర్వాంగాలకి సూచనలిచ్చి నడిపించు మెదడు పొరలలోనా?
సకల సౌందర్యాలను తనలో ఇముడ్చుకున్న ఈ రంగుల లోకాన్ని చూపించు కనుల కొలుకులలోనా?
నాసిక ద్వారముల వెంట నాలో చొరబడి తనువులోని అణువణువును చేరు శ్వాసలోనా?
ఎక్కడున్నావు ప్రాణమా?
గుండెలో ఏ కవాటము కొనను పట్టుకు వేలాడుతున్నావు?
అలుపెరుగక పయనించు ఏ నెత్తురు ధారలలో మునిగి జలకాలడుతున్నావు?
పుపుస సిరలోనా? హృదయ ధమనిలోనా?
నరాలలోనా? నాడులలోనా?
కండరాలలోనా? కనురెప్పల కదలికలలోనా?
ఎముక మజ్జలోనా? వెన్నుపూసల మధ్యలోనా?
ఎక్కడున్నావు?
నా దానివైనా నిన్ను చూసుకునే అదృష్టం లేదు నాకు..
అమ్మ కడుపున పడ్డ నాటి నుంచి నాతోనే ఉన్న నువ్వు అకస్మాత్తుగా ఒకనాడు మాటమాత్రమైనా చెప్పకుండా ఈ అవయవాలన్నిటినీ స్తంభింపజేసి వెళ్ళిపోతావు...
మరెక్కడ కలుస్తావు నన్ను?
No comments:
Post a Comment