మేలైన పారిజాత పూరేకుల నుండి వెలువడు పరిమళ ద్రవ్యము
ఆమె
కారు మేఘముల నడుమ తళుక్కుమని మెరసి కవ్వించు విద్యుల్లత
ఆమె
అవధులు లేని అభ్రమును చీల్చుకుని వయ్యారముగ నేలకు జారు మందాకినీ ప్రవాహము
ఆమె
వసంతకాల పౌర్ణమి నాడు కాంతులీను బృందావనమున విరియు కుసుంభము
ఆమె
మరుడు ఇంద్రచాపమెక్కుపెట్టి సంధించెడు పన్నీరు పూల సరము(శరము)
ఆమె
సృష్టికర్త కంసాలియై అపురూపముగ మలచుకున్న అపరంజిత
ఆమె
నిశీధి వేళ స్మర్యంత సింధూర అలంకృతయై స్వప్నమున అగుపించు ప్రియదర్శిని
ఆమె
విరహాగ్ని జ్వాలలచే వేధింపబడి
సుదీర్ఘమైన ఏకాంతముచే బాధింపబడి
నా రాకకై ఎదురుచూచుచున్నది
ఆమెయే నా రాధ
No comments:
Post a Comment