మరో ప్రపంచంలో మనిద్దరం

నీకోసం ఈ ప్రపంచాన్నంతా వెలి వేద్దామని కోరిక నాకు... 
మనిద్దరమే మనుషులం, మనిద్దరివే మనసులు.. 
నగ్నంగా ఆది జంటమల్లె మనదైన లోకంలో విరామమెరుగక విహరిస్తూ....... 
భగ్గుమన్న వయసు వేడిలో కాలిపోతుంది సిగ్గు
అణిచిపెట్టిన కోరిక కట్టలు తెంచుకుంటుంది.. 
నా మనసు నీ తనువుకి, నీ మనసు నా తనువుకి పంపే రహస్య సందేశాలు మన చెవుల పడవు.. 
చుట్టూ ఉన్న అనంతానంత జల సమూహాలు ఒడలున పెరిగే వేడిని చల్లార్చలేవు..అధరముల తేనె ధారలు తప్ప.. 
తొలి ముద్దు తాపం తుంచడానికి..మలి ముద్దు మోహం పెంచడానికి.. 
రహస్య శోధనకి కేశముల కాశ్మీరమున మొదలైన పెదవుల ప్రయాణం కాలి చిటికినవేలి కన్యాకుమారి వరకూ ఆగదు.. 
మన నిశ్వాసాల వేడికి వెర్రెక్కిన గాలి మన కౌగిలి తీవ్రతకు సాక్షి.. 
ఒకరి ఊపిరి ఆపడానికి మరొకరు చేసే వింత హత్యాయత్నం.. 
ఈ దృశ్యాన్ని చూడకూడదని కనురెప్పలు కనుపాపల కళ్ళు మూస్తాయి... 
ఎన్నేళ్ళుగానో ఊరించి వెక్కిరించిన నీ వక్షోజములపై నా కరములు కక్ష తీర్చుకుంటాయి.. 
అద్వితీయమైన అనుభవం పొందుటకు జరిగే క్షీర సాగర మధనంలో అమృతం మనిద్దరికీ దొరుకుతుంది.. 
అక్కడే ఆ ప్రశాంత దీవిలో అలసిన మనకి... 
ఇసుక తిన్నెలే పట్టు పరుపులు..
మసక వెన్నెలలే నేస్తాలు.. 
పిల్లగాలులే వింజామరలు
ఒకరి పెదవులొకరికి ఆహారం... 
అక్కడే మన ప్రేమ అమరం..