కవితలంటే ?
కవితలంటే .....
తెల్లని కాగితం పై పొందిక గా కూర్చిన అక్షరాలు కాదు
కవితలంటే .....
అలంకారాలు , ఛందస్సులు , ప్రాసల గోల కాదు .
కవితలంటే ....
రేరాజు కలువ రాణులకు వెన్నెల వంతెనపై పంపే ప్రణయ
సందేశాలు
కవితలంటే ....
పూబాలలు ప్రియుని పెదవులపై అద్దే పుప్పొడి ముద్దులు
కవితలంటే ....
మూర్తీభవించిన శిలా ప్రతిమలలో సైతం ప్రస్పుటమయ్యే స్పష్టమైన
భావాలు
అవును
కవితలంటే ....
సగం చచ్చిన బిచ్చగాడి ప్రేవులు వేసే ఆకలి కేకలు
కవితలంటే ....
మతి చెడిన వాడి మనోవల్మీకం చెప్పే రహస్యాలు
కవితలంటే ....
వేశ్య అర్ధ నిమీలిత నేత్రాలలో ప్రజ్వరిల్లే విషాదాగ్నులు
కవితలు
ఈ విశ్వమంతటినీ తమలో ఇముడ్చుకోగల అద్భుతాలు
ఏ నిశీధిలోనో కవి తన మనసుతో రమించి ప్రసవించే పసి పాపలు
కవితలు
ఎక్కడెక్కడో ఎగురుతున్న మమ్మల్ని “కవి సంగమం” గూటికి
చేర్చిన వారధులు
No comments:
Post a Comment