నీకు ప్రేమించడం తెలీదంది.....
తమని తాము ప్రేమించుకోడం తెలీని వాళ్ళే
ప్రేమించడం మీద, ప్రేమించబడడం మీద ఆధారపడతారన్నాను....
నీకు మనసే లేదంది...
చలం మైదానం లోనో , బుచ్చిబాబు ఆశాప్రియ పాదాల దగ్గరో పడుంటుంది చూడన్నాను.....
దేవుణ్ణి నమ్మకపోతే ఇలాగే పిచ్చి వాళ్ళవుతారంది...
నమ్మి మనుషులవడం కన్నా నయమన్నాను.....
అప్పుడప్పుడూ ఈ ప్రపంచంలోకి వస్తుండాలంది...
నా ప్రపంచంలోకి వచ్చి చూస్తే ఆ మాట అనవన్నాను.....
కన్నీళ్ళకి కాస్త కరగడం నేర్చుకోమంది....
కన్నీళ్ళు మింగి బతకడం నేర్చుకున్నానన్నాను....
రాతి హృదయాల ముందు మొర వృధా అంది...
రాళ్ళతో ఆర్గ్యుమెంట్ నాకూ అంతే అన్నాను ....
_ మోహన్ తలారి
No comments:
Post a Comment