# తృప్తిగా ఉంటుంది #
ఓ మంచి కవిత రాసుకున్నాక ఎలా ఉంటుంది ??
పంటి మీద గోదారి దాటెళ్ళి ఓ చిరకాల మిత్రుణ్ణి కలిసొచ్చినట్టుగా ఉంటుంది
పది రోజులు లంకణం చేసాక అమృతంలా గొంతు దిగే చింతపండు చారు ముద్దలా ఉంటుంది
పోయిందనుకున్న ప్రియమైన పుస్తకం ఇల్లు దులిపేప్పుడు దొరికినట్టుగా ఉంటుంది
ఎత్తుకుంటామంటే ఇచ్చిన కొడుకు ఏడుస్తూ వెనక్కొచ్చి మెడ చుట్టుకున్నట్టుంటుంది
దేహాల్ని దహించే మండుటెండాకాలం మిట్ట మధ్యాహ్నం చిన్న మబ్బేసినట్టు ఉంటుంది
హఠాత్తుగా కురిసిన వానకి నిలువెల్లా తడిసి ముద్దయ్యాక రెండు చేతుల్తో పట్టుకుని వేడి టీ తాగినట్టుంటుంది
ఓ మంచి కవిత రాసుకున్నాక ఎలా ఉంటుంది ??
అమ్మకి అన్నం వడ్డించినంత ఆనందంగా ఉంటుంది
(రాత్రి నాకిష్ఠమైన మదీనా బిర్యాని అమ్మకి తినిపించాక...అమ్మ బావుంది నానా అన్నాక)
ఓ మంచి కవిత రాసుకున్నాక ఎలా ఉంటుంది ??
పంటి మీద గోదారి దాటెళ్ళి ఓ చిరకాల మిత్రుణ్ణి కలిసొచ్చినట్టుగా ఉంటుంది
పది రోజులు లంకణం చేసాక అమృతంలా గొంతు దిగే చింతపండు చారు ముద్దలా ఉంటుంది
పోయిందనుకున్న ప్రియమైన పుస్తకం ఇల్లు దులిపేప్పుడు దొరికినట్టుగా ఉంటుంది
ఎత్తుకుంటామంటే ఇచ్చిన కొడుకు ఏడుస్తూ వెనక్కొచ్చి మెడ చుట్టుకున్నట్టుంటుంది
దేహాల్ని దహించే మండుటెండాకాలం మిట్ట మధ్యాహ్నం చిన్న మబ్బేసినట్టు ఉంటుంది
హఠాత్తుగా కురిసిన వానకి నిలువెల్లా తడిసి ముద్దయ్యాక రెండు చేతుల్తో పట్టుకుని వేడి టీ తాగినట్టుంటుంది
ఓ మంచి కవిత రాసుకున్నాక ఎలా ఉంటుంది ??
అమ్మకి అన్నం వడ్డించినంత ఆనందంగా ఉంటుంది
(రాత్రి నాకిష్ఠమైన మదీనా బిర్యాని అమ్మకి తినిపించాక...అమ్మ బావుంది నానా అన్నాక)
No comments:
Post a Comment