ఆ ముగ్గురి శీలం ఖరీదు పది రోజులు

హైదరాబాద్ లో జాబ్ చేస్తున్న రాజేష్ ఆంధ్రా యూనివర్సిటిలో పని ఉండి వైజాగ్ వచ్చాడు. వైజాగ్ ఎప్పుడు వచ్చినా తన క్లోజ్ ఫ్రెండ్ మదన్ దగ్గర ఉండడం అలవాటు..పొద్దున్న యూనివర్సిటిలో పని చూసుకున్నారు ఇద్దరు కలిసి..రాత్రి ఎప్పటిలాగే నాలుగు బీర్లు కొనుక్కుని, మద్దిలపాలెం నుంచి సింహాచలం వెళ్ళడానికి కొత్తగా వేసిన రోడ్డులోకి వెళ్లారు..సాయంత్రం 10 తర్వాత ఆ రోడ్డు నిర్మానుష్యంగా అయిపోతుంది.మందు కొట్టడానికి మంచి spot..అప్పుడప్పుడు ఎవడైనా constable patrolling కి వస్తే ఒక వంద చేతిలో పెడితే సరిపోతుంది..అటు ఇటు కొండలు, మధ్యలో నల్లతాచు లాగా తారు రోడ్డు..చూడడానికి చాలా బావుంటుంది..రోడ్డు పక్క pavement మీద కూర్చుని చల్లటిగాలిలో chilled beer తాగుతుంటే భలే ఉంటుంది..ఇద్దరు మాటలు చెప్పుకుంటూ నాలుగు బీర్లు పూర్తి చేసేసరికి 12 అయ్యింది..room కెళ్ళి alpha hotel నుంచి తెచ్చుకున్న

dum biryani పార్సిల్ తినేసి పడుకున్నారు..

                   మధ్య రాత్రిలో మదన్ లేచి రాజేష్ మొబైల్ తీసుకున్నాడు..contacts ఓపెన్ చేసి మొత్తం list అంతా జల్లెడ పట్టి మూడు numbers save చేసుకున్నాడు..రాధ,ప్రవల్లిక,సంగీత..తరువాత మళ్ళి మొబైల్ తీసిన చోట పెట్టేసి పడుకున్నాడు..
next రోజు రాజేష్ తిరిగి బయలుదేరి హైదరాబాద్ వెళ్ళిపోయాడు..

DAY-1

రాజేష్ వెళ్ళిపోయిన తర్వాత మదన్ మొబైల్ తీసి sms balance చెక్ చేసుకున్నాడు..ఇంకా 7500 msgs ఉన్నాయ్..'Hi' అని msg type చేసి రాత్రి save చేసుకున్న మూడు numbers కి పంపాడు..రాధ నెంబర్ కి msg deliver కాలేదు..ప్రవల్లిక number కి msg deliver అయ్యింది కానీ reply రాలేదు..ఒక 10 minutes అయిన తర్వాత సంగీత number నుంచి who is this?? అని reply వచ్చింది..

మదన్: అదేంటి కొత్తగా??

సంగీత : what?

మదన్: who is this అంటావేంటి? నా number delete చేసేసావా?

సంగీత: సారీ...నాకు మీరెవరో గుర్తు రావడం లేదు..

మదన్ : నేను రా మదన్, వైజాగ్ నుంచి..

సంగీత: సారీ మీరెవరనుకుని ఎవరికి msg చేస్తున్నారో...my name is సంగీత..

మదన్: రేయ్..కామెడి చెయ్యకు..సరేగాని నేను ఆఫీసు లో ఉన్నా..రేపు chat చేద్దాం bye...

సంగీత వెంటనే మదన్ నెంబర్ కి కాల్ చేసింది...అది switch off అని వచ్చింది..

DAY-2

మదన్: Good morning

సంగీత : Hello I am not your friend ok..dont msg me again..

             మదన్ సంగీత number కి call చేసాడు..

“హలో”

ఓ I am sorry అండి మా ఫ్రెండ్ నెంబర్ అనుకున్నా..

“ Its ok"

నిజంగా సారీ అండి.but number ఎలా change అయ్యిందో అర్ధం కావట్లేదు..any way trouble ఇచ్చాను..సారీ.

“పర్వాలేదు bye..”

DAY-3

మదన్: రాత్రంతా తను లేడనే విరహ వేదనతో కుమిలిపోతున్న పుడమిని సూర్యుడు తన వేల కిరణాల చేతులతో ఆత్రంగా హత్తుకుంటాడు..ఆ కౌగిలికి పులకించిపోయిన పుడమి చెక్కిళ్ళ వెంట జారిన ఆనంద భాష్పాలు పైరు అంచుల మీది నీటి బిందువులై ప్రకృతికి అందాన్ని తెస్తాయి..గుడ్ మార్నింగ్..

ఒక అరగంట తర్వాత...

మదన్: అయ్యో సారీ అండి..మీ number message groups లో నుంచి delete చేయలేదు..అందుకే ఇందాక పంపిన msg మీకు కూడా వచ్చేసింది...

సంగీత: అది ఎవరు రాసారు?

మదన్: ఏది?

సంగీత: ఇందాక మీరు పంపిన కవిత్వం..

మదన్: ఎవరో పంపిన msgs forward చెయ్యడం నాకిష్టముండదు..నేనే రాసాను..

సంగీత: చాలా బాగా రాసారు..

మదన్: Thank you..

సంగీత: మొన్న msg చేసినప్పుడు డ్యూటీ లో ఉన్నా అన్నారు కదా ...ఏం జాబ్ చేస్తారు మీరు...

మదన్: HSBC లో జాబ్ చేస్తున్నా..మీరేం చేస్తున్నారు..?

సంగీత: ఇంజనీరింగ్ 3^rd year...హైదరాబాద్ ప్రియాంక కాలేజ్

మదన్: మీ పేరు చాలా బాగుంది..నాకు చిన్నప్పట్నుంచి music అంటే ప్రాణం..కానీ పరిస్థితులు అనుకూలించక శాస్త్రీయ సంగీతం నేర్చుకోలేకపోయాను..

సంగీత: మీరు తెలుగు చాలా స్పష్టంగా మాట్లాడుతున్నారు..

మదన్: నేను టెన్త్ క్లాసు వరకు తెలుగు మీడియం లో చదువుకున్నా..ఎందుకో చిన్నప్పట్నుంచి తెలుగు అంటే చాలా ఇష్టం..

సంగీత: any way...నాకు కొంచెం పని ఉంది. Catch you later bye....

మదన్: Ok bye....

evining 8 దాటిన తర్వాత....

మదన్: still busy?

సంగీత: మూవీ చూస్తున్నా...

మదన్: ఏం మూవీ?

సంగీత: “అతడు”..నాకు మహేష్ బాబు అంటే చాలా ఇష్టం ఇప్పటికి ఈ మూవీ 10 టైమ్స్ చూసాను..

మదన్: ya its a good movie...సరే.. 10 టైమ్స్ చూసాను అంటున్నారు కాబట్టి నేనొక question అడుగుతా...

అందులో పిల్లగాలి అల్లరి సాంగ్ ఉంది కదా...ఆ పాట అర్ధం చెప్పుకోండి చూద్దాం...అందులో కాస్త సైన్స్ కూడా ఉంది...

సంగీత: ఏదో పాటలు వినేస్తాం గాని వాటి meanings గురించి పట్టించుకోం కదా...

మదన్: ఆలోచించండి..ఒకవేళ మీరు చెప్పలేకపోతే రేపు నేనే చెప్తాను...

DAY-4

సంగీత: గుడ్ మార్నింగ్...

మదన్: గుడ్ మార్నింగ్..ఏంటి అర్ధం తెలిసిందా?

సంగీత: Hmmm... నేనొకటనుకున్నాను...కానీ అది అంత కరెక్ట్ అని నాకనిపించడం లేదు..మీరే చెప్పండి...

మదన్: మూవీ లో త్రిష , మహేష్ బాబు ఇంటికి వచ్చిన దగ్గర నుంచి చాలా అల్లరి చేస్తుంది..కొంచెం ఫొజ్ కొడుతుంది...చూస్తాడు చూస్తాడు..ఇంక ఏదొక విధంగా బుద్ది చెప్పాలనుకుంటాడు..అందుకే అందంగా లేవంటాడు..మీకు వర్షం కురిసే procedure తెలుసుగా..నీరు ఆవిరైపోయి ఆకాశం లోకి వెళ్లి కారు మేఘంగా మారుతుంది..కారు మబ్బు ఎప్పుడు కరకు తనానికి symbol...ఆ మబ్బుని చల్ల గాలి తాకినప్పుడు వర్షం కురుస్తుంది...సిరివెన్నెల గారు మహానుభావుడు..మహేష్ బాబు కారుమబ్బు..త్రిష అల్లరి చేసే పిల్ల గాలి..

ఇప్పుడు చూడండి లిరిక్స్...పిల్లగాలి అల్లరి ఒళ్ళంతా గిల్లి నల్లమబ్బు ఉరిమేనా...కళ్ళెర్ర చేసి మెరుపై తరిమేనా..ఎల్లలన్ని కరిగి ఝల్లుమంటూ ఉరికి మా కళ్ళలో వాకిళ్ళలో వేవేల వర్ణాల వయ్యారి జాణ..అందమైన సిరి వాన...శ్రియ ఘోషల్ అద్భుతంగా పాడింది...

సంగీత:oh my god.. ఇంత meaning ఉందా? మీరు నిజంగా సూపర్ అసలు..

మదన్: thank you so much..అది సరే గాని మనం ఈ అండి, మీరు అని బహువచనం మానేద్దాం...కాస్త ఇబ్బందిగా ఉంది..

సంగీత: అలాగే ఇంకేంటి చెప్పు...

మదన్: ఇంకేముంది..present ఉన్న హీరోస్ లో నాకు కూడా మహేష్ బాబు అంటే ఇష్టం...నిజంగానే “పెనుతుఫాను తలొంచి చూసే తొలి నిప్పు కణం అతడు..”

సంగీత: ఇంకెవరిష్టం నీకు?

మదన్: కమల హాసన్...

సంగీత: మరి హీరోయిన్?

మదన్: ఎప్పుడూ శ్రీదేవి..

సంగీత: అబ్బో ఎందుకో?

మదన్: ఆమె అందం ఆకాశం, కొలమానం లేదు..ఆమె అభినయం అంబుధి,అందులో అనుమానమే లేదు...

అలా చాటింగ్ చాలా సేపు సాగింది..చాట్ చేస్తూనే ఇద్దరు brush చేసారు, స్నానం చేసారు..నడుస్తున్నా, పడుకున్నా, తింటున్నా, ఏం చేస్తున్నా బొటనవేలు మాత్రం mobile keys నొక్కుతూనే ఉంది...అర్ధరాత్రి పన్నెండు దాటింది..
..................

సంగీత: ఓయ్...నిద్ర రావడం లేదా?

మదన్: లేదు..అసలు మాములుగా అయితే నేను చాలా త్వరగా పడుకుంటాను..కానీ నీతో మాట్లాడుతుంటే అసలు టైం తెలియడం లేదు..

సంగీత: నేను కూడా ఏ అబ్బాయితోను ఇంతసేపు మాట్లాడలేదు.

మదన్: చాలా వింతగా ఉంది కదా మన పరిచయం..

సంగీత: అవును నాకూ అదే అర్ధం కావడం లేదు..

మదన్: సరే నేను పడుకుంటాను...గుడ్ నైట్..

సంగీత: ummm....

మదన్: ఓయ్ ఏంటి sudden గా ముద్దు పెట్టేసావ్?

సంగీత:నేనా!!! ఎక్కడ పెట్టాను? ఓకే అన్నాను..

మదన్: అయ్యో...నిజమా...ఓకే అంటే Hmm అనాలి..Ummm అంటే ముద్దు అని అర్ధం..పక్కన ఎన్ని ‘m’లు పెడితే అంత పెద్ద ముద్దు అని అర్ధం..

సంగీత: అబ్బో అబ్బాయిగారికి బాగానే ప్రవేశం ఉన్నట్టుందే చుంబన శాస్త్రం లో..

మదన్: just theory వరకే...practicals చేసే భాగ్యం ఇంకా దక్కలేదు..

సంగీత: నేను నమ్మను..

మదన్: నమ్మకపోతే మానెయ్...కానీ కోరిక ఉంది...ఇదిగో చూడు ఓ పక్క చల్లగా గాలేస్తుంది..ఆకాశంలో నక్షత్రాలు నలుపు రంగు చీర మీద అద్దిన మల్లె పువ్వుల్లా  ఉన్నాయ్...రెండు పక్షులు ప్రపంచాన్ని మరిచిపోయి ఎగురుకుంటూ వెళ్ళిపోతున్నాయ్..వయసులో ఉన్న ఏ మగాడికైనా ఇప్పుడేమి కావాలనిపిస్తుంది వెచ్చని ముద్దు తప్ప...

సంగీత: ummmmmmm

మదన్: మళ్ళి ఓకే నా ?

సంగీత: ఇందాక చెప్పావుగా ఇలా పంపితే ఓకే కాదు అని...గుడ్ నైట్..

DAY-5

మదన్: రాత్రంతా నీ చిత్రాన్ని మదిలో గీసుకున్నాను..దానికి ఊపిరి పోస్తే ఒక సుందర రూపం..ఇద్దరం కలిసి వెన్నెల మైదానంలోకి ఎగురుకుంటూ వెళ్ళాం..ఆ వెన్నెల మైదానంలో నీ పెదవుల వెంట కురిసిన అమృత ధార నా పెదవుల్ని తాకింది..నాలో కొత్త ఊపిరి నింపింది..నా మనసు పునర్జన్మ పొందింది..

సంగీత: కవిత్వం బావుంది..

మదన్: రాత్రి నువ్విచ్చిన ముద్దు మరీ బావుంది..

సంగీత: అబ్బ నిజంగానా..

మదన్: అవును..మాములు msgs వచ్చినప్పటికంటే నీ ముద్దు msg వచ్చినప్పుడు నా మొబైల్ డబల్ vibrate అయ్యింది..

సంగీత: సరేగాని ఈ రోజు నేను మా relatives ఇంటికి వెళ్తున్నా నేను చెప్పేవరకు  msg చెయ్యొద్దు..

మదన్: ok..but dont forget that a poor fellow is waiting for your message..

నిజానికి ఈ రోజు మదన్ కి కూడా కుదరదు..ఎందుకంటే ఒక లోకల్ అమ్మాయికి appointment ఇచ్చాడు..ఆ అమ్మాయి కాసేపటికి వచ్చింది...ఆమెతో ఉదయం చుంబన సేవనం, మధ్యాహ్నం కౌగిలి భోజనం, సాయంత్రం వేళల మహా నైవేద్యం కానిచ్చి పంపేసాడు..తర్వాత రాజేష్ కి కాల్ చేసాడు..

“హలో”

నేను రా మదన్ ని

“చెప్పరా”

ఏంటి బాగా distrubence గా ఉంది...??

“theatre లో ఉన్నా..”

girlfriend తోనా..నియ్యబ్బ నాకు చెప్పట్లేదు కదా అమ్మాయెవరో.... చెప్తా నీ పని..ఎన్ని రోజులు దాస్తావో చూస్తా..

“ఈసారి నువ్వు హైదరాబాద్ వచ్చినప్పుడు పరిచయం చేస్తా లేరా ఇంతకీ విషయం చెప్పు”

ఏం లేదు వస్తే ఒక 4,5 డేస్ లో హైదరాబాద్ వస్తా..

“సరే”

...............................

Evening 7 తర్వాత సంగీత msg చేసింది..

సంగీత: ఓయ్ ఏం చేస్తున్నావ్?

మదన్: నాతో మాట్లాడకు..

సంగీత: ఏరా కన్నా ఏమైంది?

మదన్: నేను పొద్దున్నుంచి నీ msg కోసం పిచ్చివాడిలా వెయిట్ చేస్తుంటే ఇప్పుడు తీరిగ్గా ఏం చేస్తున్నావ్ అనడుగుతావా?

సంగీత: సారీరా బంగారం మా relatives ఇంట్లో late..సరే నీ కోపం తగ్గాలంటే ఏం కావాలి చెప్పు..

మదన్: నాకేం వద్దు

సంగీత: ummmmm

మదన్: నాకీ sms ముద్దులేమి అక్కర్లేదు..

సంగీత: మరి కాల్ ముద్దు కావాలా సరే..ఇప్పుడు అందరు నా పక్కనే ఉన్నారు...అందరు పడుకున్నాక ఇస్తా..జస్ట్ వెయిట్ ఫ్రెష్ అప్ అయి వస్తా..

మదన్: ఓకే

రాత్రి 12 దాటే వరకు చాట్ చేసుకుని పడుకునే ముందు కాల్  చేసింది సంగీత..ఫోన్ లో ముద్దిచ్చింది..అప్పటికే మదన్ మొబైల్ loud speaker ఆన్ చేసి ఉంది..సంగీత ముద్దు చప్పుడు మదన్ తో పాటు మరో నలుగురు మగాళ్ళను తాకింది...

DAY-6

సంగీత: గుడ్ మార్నింగ్(8.30)

సంగీత: గుడ్ మార్నింగ్(9.30)

సంగీత: గుడ్ మార్నింగ్{10:30)

మదన్: గుడ్ మార్నింగ్..

సంగీత: ఏమైంది ఇంత వరకు..

మదన్: రాత్రి నువ్విచ్చిన ముద్దుకి మూర్చపోయాను..ఇదిగో మళ్ళి ఇప్పుడే లేవడం..

సంగీత: నాకు మాత్రం రాత్రి సరిగా నిద్ర పట్టలేదు..

మదన్: ఎందుకు?

సంగీత: నేను కూడా నీ ఊహా చిత్రాన్ని గీసుకుని అలా వెన్నెల మైదానంలోకి వెళ్ళానులే..

మదన్: కేక..

సంగీత: నిన్ను చూడాలని ఉంది మదన్ నాకు..నీ ఫోటో MAIL చెయ్యవా..

మదన్: వద్దు..నువ్వెలా ఉంటావో నాకు తెలియదు...నేనెలా ఉంటానో నీకు తెలియదు..ఈ SUSPENSE ఇలా ఉండనిద్దాం..నేనే హైదరాబాద్ వస్తాను..అక్కడ కలుసుకుందాం..

రోజంతా అలాగే మాట్లాడుకుని తెల్లవారు జాము 3 కి పడుకున్నారు..మాటల మైకంలో సంగీత మదన్ HSBC లో JOB చేస్తున్నాను అని చెప్పిన విషయం మరిచిపోయింది..లేకపోతే కనీసం ఒక్క సారైనా డ్యూటీ కి వెళ్ళలేదా అనడిగేది..

DAY-7

రోజంతా మదన్ ఒక్క msg కూడ పంపలేదు...కావాలనే మొబైల్ స్విచ్ ఆఫ్ చేసాడు..సంగీత మాత్రం continous గా msgs పెడుతూనే ఉంది.msg sending failed..call చేస్తే స్విచ్ ఆఫ్...call చేసి చేసి రాత్రి ఎప్పుడో తనకి తెలియకుండానే నిద్రలోకి జారుకుంది..

DAY-8

మదన్: గుడ్ మార్నింగ్..

వెంటనే CALL చేసింది సంగీత...

“హలో”

స్టుపిడ్, ఇడియట్ ఏమైపోయావ్ నిన్నంతా ఎన్ని సార్లు call చేసానో తెలుసా..అంటూ బోరున ఏడ్చేసింది..

“సారీ రా నా మొబైల్ వాటర్ లో పడిపోయింది..నా ఫ్రెండ్ మొబైల్ తీసుకుని అందులో sim వేసి చేస్తున్నాను..

ఒక రెండు నిముషాలు అలా ఏడుస్తూనే ఉంది..తరువాత కాసేపు మాట్లాడి ఫోన్ కట్ చేసింది.సరిగ్గా ఇదే reaction expect చేసిన మదన్ ఎగిరి గంతేసాడు..

DAY-9

మదన్: గుడ్ మార్నింగ్

సంగీత: గుడ్ మార్నింగ్..

మదన్: ఇప్పుడు నేను నీకొక surprise ఇవ్వబోతున్నా..

సంగీత: ఏంటది?

మదన్: ఈ రోజు నైట్ నేను బయలుదేరి హైదరాబాద్ వస్తున్నా..

సంగీత: అదేంటి సడన్ గా..

మదన్: ఏమో రాత్రంతా నిద్ర పట్టలేదు...నిన్ను చూడాలనిపిస్తోంది..టికెట్స్ కూడా దొరికాయ్..

సంగీత: అలా సడన్ గా చెప్తే ఎలా?

మదన్: ఏం రావద్దా...వద్దంటే చెప్పు..ఇంకెప్పుడు మాట్లాడను..

సంగీత: అలా కాదు..... సరేలే.. రా..

మదన్: అది సరే గాని వస్తే నాకేమిస్తావ్?

సంగీత: ఏం కావాలేంటి?

మదన్: నేను అది,ఇది అని చెప్పను గాని అది ప్రపంచంలో నువ్వు తప్ప ఇంకెవ్వరు ఇవ్వలేనిది అయి  ఉండాలి..

సంగీతతో చాటింగ్ అయిపోయాక రాజేష్ కి కాల్ చేసాడు..

మామా ఈ రోజు నేను బయలుదేరి హైదరాబాద్ వస్తున్నా..

“ఏంటి ఇంత  sudden గా ?”

ఒకమ్మాయిని పడగొట్టా మామా..రేపు కాసేపు నీ రూం కూడా వాడుకుంటా..

“రేయ్ నా రూం కుదరదురా...అందరు ఉంటారు..వేరే ఫ్రెండ్ రూం ఉంది అక్కడయితే owner గొడవ ఉండదు..full safe”

Ok thank you...

“ మాకేం ఛాన్స్ ఉండదా?”

అది ఆ టైపు కాదురా...కానీ ఒక plan చేద్దాం..నువ్వు రూం బయటే ఉండు..గొళ్ళెం వెయ్యను..నా పని అయిపోయిన తర్వాత mis cal ఇస్తా... తలుపు తోసుకుని మొబైల్ లో షూట్ చేస్తున్నట్టు act చేస్తూ లోపలికి రా..తర్వాత అదే ఒప్పుకుంటుంది...

“కేక మామా నువ్వు”

DAY-10

మార్నింగ్ పది గంటలకి అమీర్ పెట్ బిగ్ బజార్ దగ్గర మదన్ వెయిట్ చేస్తున్నాడు..ఇంతలో ఆటోలో సంగీత దిగింది..ఒకసారి ఇద్దరు ఒకరినొకరు తేరిపార చూసుకున్నారు..చిన్న నవ్వు నవ్వుకున్నారు..

ఏం చేద్దాం అంది సంగీత...

నేను సాయంత్రం మళ్ళి వైజాగ్ వెళ్ళిపోతాను..నీతో ఉండే ఈ కాసేపు ప్రశాంతంగా మాట్లాడుకునేట్టు ఉండాలి...మూవీకి వద్దు..పార్క్స్ లో అయితే నేను comfortable గా ఫీల్ అవ్వను..సో నేనే ఒక చోటికి తీసుకెళతాను అన్నాడు..

ఓకే అంది..

ఇద్దరు కలిసి రాజేష్ చెప్పిన ఇంటికి వెళ్లారు..ఉండేది bachelors అయినా రూం చాలా అందంగా ఉంది..ఇద్దరు మంచం మీద కూర్చున్నారు..కాసేపు ఏవో అసందర్బ వాక్యాలు మాట్లాడుకున్నారు..తరువాత కాసేపు నిశ్శబ్దం...తర్వాత మదన్ చెయ్యి అలవాటు ప్రకారం తన పని తాను చేసుకోవడం మొదలెట్టింది..సంగీత లోని సహజమైన స్త్రీ స్వభావం తన శరీరం మీద మదన్ చెయ్యి పడిన ప్రతి చోటు నుండి రెండు సార్లు నెట్టేస్తుంది..మూడోసారి ఏమనడం లేదు...ఒక అరగంట తర్వాత ఒకరి కౌగిలిలో ఒకరున్నారు..నిట్టూర్పులు విడిచిన శబ్దం తప్పా ఏమీ వినబడడం లేదు...మధ్యలో ఒకసారి మాత్రం సంగీత “problem అవుతుంది వద్దు” అంది..”no problem I have protection” అన్నాడు మదన్...తర్వాత ఒక పది నిమిషాలకి ఇద్దరి మధ్య జరిగిన హొరాహొరీ పోరులో ఇద్దరూ ఓడిపోయారు..సంగీత పక్కనే పడి ఉన్న బ్లాంకెట్ తీసుకుని సగం శరీరాన్ని కప్పుకుంది...

ప్లాన్ ప్రకారం మదన్ మొబైల్ తీసి రాజేష్ కి mis cal ఇచ్చి..bath room కి వెళిపోయాడు..

సరిగ్గా ఒక్క నిమిషం తర్వాత తలుపులు తోసుకుని రాజేష్ మొబైల్ లో షూట్ చేస్తున్నట్టు నటిస్తూ లోపలికొచ్చాడు..మంచం మీద నగ్నంగా ఉన్న అమ్మాయిని చూసేసరికి చేతిలో మొబైల్ జారిపోయింది...ఒక్క క్షణం శరీరంలో నెత్తురు ప్రవాహం స్తంభించిపోయింది..

సంగీత కళ్ళు ఆర్పడం లేదు...అసలు ఆమె మోహంలో ఎటువంటి ఫీలింగ్స్ లేవు..కదలకుండా అలా శిలా ప్రతిమలా ఉండిపోయింది..కళ్ళ వెంట నీళ్ళు మాత్రం వస్తున్నాయ్..సిగ్గుతోనో, భయంతోనో,అపరాధ భావం తోనో ఏమో మరి...

మంచం మీద తను మూడు సంవత్సరాలుగా ప్రేమిస్తున్న సంగీత...ఎవరో అనుకుని తన కోరిక తీర్చుకోడానికొచ్చాడు రాజేష్..

ఆ రోజు మదన్ ఫోన్ చేసినప్పుడు రాజేష్ మూవీ చూస్తుంది సంగీతతోనే...సంగీత relatives అని చెప్పి కలవాడానికి వెళ్ళింది రాజేష్ నే..

MY DEAR FRIEND.....ఆ తర్వాత ఆ గదిలో ఏం జరిగిందో నాకు తెలీదు...